Plantun de Prouvènço

Pèr coumpara dos planto d'encò nostre

Potentilla velutina & Phyteuma charmelii

Potentilla velutina

Rosaceae

Nom en français : Potentille veloutée.

Descripcioun :
Aquest fragoun rebalo dins li tepiero roucaiouso e sus li cresten venta de nòsti colo fin qu'aperaqui 1200 m. Se recounèis à si fueio grisasso, cuberto de péu estela sus lou dessouto e quàsi toujour di tres partido. Fai gaire de flour, jauno un pau grando e que toumbon mai lèu que li dóu fragoun-de-printèms, Potentilla verna.

Usanço :
A bessai li mémi prouprieta de sarra li car (astringènt) que si cousin.

Port : Erbo
Taio : 3 à 10 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 1 à 1,5 cm
Flourido : Printèms Ivèr

Sòu : Ca
Autour basso e auto : 200 à 1200 m
Aparado : Noun
Mars à jun

Liò : Cresten venta - Tepiero roucaiouso
Estànci : Subremediterran à Mountagnard
Couroulougi : Éurasiatico
Ref. sc. : Potentilla velutina Lehm., 1835

Rapounchoun(-de-Charmeil)

Phyteuma charmelii

Campanulaceae

Noms en français : Raiponce de Charmeil, Herbe d'amour.

Descripcioun :
Poulit rapounchoun que trachis en pichòti mato dins li paret, li roucas e roucaio de montagno. Pendoulo souvènt en fin de sesoun. I'a dos meno de fueio : li d'en bas emé un pecou, soun proun larjo emé un bord denta alor qu'aquéli de la cambo soun en long, pu primo e un pau en lanço.

Usanço :
Dèu èstre manjadisso coume lis àutri rapounchoun e bessai vertuouso, pamens avèn ges d'entresigne segur.

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 800 à 2300 m
Aparado : Noun
Jun à avoust

Liò : Paret - Roucas - Baus
Estànci : Subremediterran à Subaupen
Couroulougi : Ouroufito-Sud-Ouèst-Éuropenco
Ref. sc. : Phyteuma charmelii Vill., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potentilla velutina & Phyteuma charmelii

ges

Coumpara Fragoun(-velouta) emé uno autro planto

Coumpara Rapounchoun(-de-Charmeil) emé uno autro planto